ရာသီဥတု၊ ဇီဝမျိုးစုံမျိုးကွဲနှင့် လူမှုရေးဆိုင်ရာ သာတူညီမျှစွာ ပူးပေါင်းပါဝင်မှု ရှိစေရေး အတွက် ဒေသခံပြည်သူ အစုအဖွဲ့ပိုင်သစ်တောလုပ်ငန်းအရှိန်မြှင့်တင်ခြင်း နှစ်ပတ်လည် အစီရင်ခံစာ ၂၀၂၀-၂၀၂၁

ဤနှစ်ပတ်လည်အစီရင်ခံစာသည် ၂၀၂၀ အောက်တိုဘာလမှ ၂၀၂၁ စက်တင်ဘာလအထိ ကာလအတွင်း လုပ်ငန်းဆောင်ရွက်ချက်များနှင့် သက်ဆိုင်ပါသည်။ ယခုအစီရင်ခံစာကို ထုတ်ပြန်နေသည့်ကာလမှာပင် ကမ္ဘာလုံးဆိုင်ရာ ကပ်ရောဂါနှင့် ၎င်း၏ အကျိုးဆက်စီးပွားရေးရိုက်ခတ်မှု (အထူးသဖြင့် ထိခိုက်အလွယ်ဆုံး အိမ်ထောင်စုများအတွက်) ကို ကြုံတွေ့ခံစားနေကြရသည်။ တချိန်တည်းမှာပင် ကျွန်ုပ်တို့၏ ဘဝတစ်လျှောက်လုံးတွင် အကြီးမားဆုံး စိန်ခေါ်မှုဖြစ်သည့် ရာသီဥတုပြောင်းလဲမှုကိုပါ ရင်ဆိုင်တွန်းလှန်နေရပါသည်။

ဤအစီရင်ခံစာပါ အကြောင်းအရာများသည် ရာသီဥတု၊ ဇီဝမျိုးစုံမျိုးကွဲနှင့် လူမှုရေးဆိုင်ရာ သာတူညီမျှစွာ ပူးပေါင်းပါဝင်မှုရှိစေရေးအတွက် ဒေသခံပြည်သူအစုအဖွဲ့ပိုင်သစ်တောလုပ်ငန်းကို အရှိန်မြှင့်တင်သည့် ကျွန်ုပ်တို့၏ ခရီးတလျှောက်တွင် ပါဝင်အားဖြည့်လက်တွဲဆောင်ရွက်ခဲ့ကြသည့် ဒေသခံပြည်သူများ၊ အစိုးရအဖွဲ့အစည်းများ၊ ဒေသအခြေပြု အဖွဲ့အစည်းများနှင့်အခြားပါဝင်ပတ်သက်သူများနှင့်စပ်ဆိုင်သည့် အကြောင်းခြင်းရာများကို အခြေခံရေးသားပြုစုထားပါသည်။